როგორც ონლაინ, ასევე მაღაზიაში ან ბაზარში შეძენილი თეთრეული, ხშირად აღმოჩნდება ხოლმე იმედგაცრუების საგანი. დიასახლისების უმრავლესობა აკვირდება შეფუთვაზე არსებულ სურათს, ზომებს და შემადგენლობას. ასევე ხელის შეხებით ცდილობენ გაიგონ რამდენად სასურველი ქსოვილია. თუ არ ჩავთვლით გამონაკლისს, არავინ არ ხსნის შეფუთვას და არ ნახულობენ მთლიან ვიზუალს. სახლში მისვლისას, აღმოჩნდება, რომ ეს თეთრეული სულაც არაა ისეთი როგორიც სურათზე იყო, არც ზომები ემთხვევა შეფუთვაზე დატანილ ზომებს. ზოგი უკან აბრუნებს თეთრეულს, ზოგს კი არ უღირს “დროის დასაკარგად და ნერვების მოსაშლელად”. ონლაინ მაღაზიის შემთხვევაში ეს შედარებით ადვილია, რადგან როგორც წესი, ონლაინ მაღაზიები იღებენ პასუხისმგებლობას, რომ თუ თეთრეული არ ემთხვევა სურათზე არსებულ ვიზუალს და ამის შესახებ არ არის მითითებული საიტზე, იბრუნებენ უკან. მაგალითად, ჩვენ ამის შესახებ ყოველთვის ვაწვდით ინფორმაციას ჩვენს მომხმარებელს. ასევე, მითითებული გვაქვს ზუსტი ზომებიც. სასურველია შეძენამდე გავეცნოთ უკან დაბრუნების პოლიტიკას.
სტატიაში მოცემული ინფორმაცია დაგვეხმარება არა მარტო მაღაზიაში, არამედ თეთრეულის ონლაინ შეძენის დროს სწორ საკითხებზე გავამახვილოთ ყურადღება.
რა ახასიათებს კონკრეტული ხარისხის თეთრულს
1. დაბალი ხარისხის თეთრეული:
- მიუხედავად შეფუთვაზე მითითებული შემადგენლობისა, სრულიად ხელოვნური ქსოვილია.
- გამოყენებულია დაბალი ხარისხის საღებავები და პირველივე გამოყენებაზე გასდის ფერი.
- მოკლე ხანში ბუსუსდება.
- შეკერილობაში მოსალოდნელია ხარვეზები და არ გამოიყენება ავერლოკი.
- ხშირად ზედმეტი ძაფები არ არის მოცილებული.
- ძირითადად არ ემთხვევა ფოტოს, თეთრეული არის ერთ ფერში.
- ბალიშის პირებზე არსებული ნახატი შესაძლოა განსხვავდებოდეს სურათზე არსებული ვიზუალისგან.
- ზომები არ ემთხვევა შეფუთვაზე მითითებულ ზომებს, ძირითადად არის შედარებით პატარა ზომები.
- ფასი მერყეობს 10-25 ლარის ფარგლებში.
- შეძენამდე აუცილებლად უნდა დავაზუსტოთ ზუსტი ზომა და რამდენად ემთხვევა ფოტოს.
2. საშუალო ხარისხის თეთრეული:
- ნარევი შემადგენლობის ქსოვილია.
- გამოიყენება კარგი ხარისხის საღებავი და არ გასდის ფერი.
- არ ბუსუსდება.
- შესაძლებელია 7 წლამდე გამოყენება.
- შეკერილობაში მოსალოდნელია უმნიშვნელო ხარვეზები.
- ხშირად არ გამოიყენება ავერლოკი.
- შესაძლოა ზედმეტი ძაფები არ იყოს მოცილებული.
- ვიზუალი ძირითადად ემთხვევა სურათს.
- ბალიშის პირებზე არსებული ნახატი შესაძლოა განსხვავდებოდეს სურათზე არსებული ვიზუალისგან.
- ზომები არ ემთხვევა შეფუთვაზე მითითებულ ზომებს, ძირითადად არის შედარებით პატარა ზომები.
- ფასი მერყეობს 25-80 ლარის ფარგლებში.
- შეძენამდე აუცილებლად უნდა დავაზუსტოთ ზუსტი ზომა და რამდენად ემთხვევა ფოტოს.
3. კარგი ხარისხის თეთრეული
- 100% ბამბის ან 100% კარგი ხარისხის ხელოვნური ქსოვილია.
- გამოიყენება ორგანული საღებავი და არ გასდის ფერი.
- არ ბუსუსდება.
- შესაძლებელია 15 წლამდე გამოყენება.
- შეკერილობა ზუსტია.
- ხშირად გამოიყენება ავერლოკი.
- ზუსტად ემთხვევა სურათზე არსებულ ვიზუალს.
- ზომები ზუსტია.
- ფასი მერყეობს 80-300 ლარის ფარგლებში.
4. უმაღლესი ხარისხის თეთრეული
- მაღალი ხარისხის 100% ორგანული ან 100% მაღალი ხარისხის ხელოვნური ქსოვილია.
- გამოიყენება მაღალი ხარისხის ორგანული საღებავი.
- შესაძლებელია 15 წლამდე გამოყენება.
- აქვს დახვეწილი შეკერილობა
- ფასი მერყეობს 300 ლარიდან ზემოთ.