თეთრეულის შესახებ

გავრცელებული ჩვევა – ხელის შეხებით ხარისხის გაგება

  • დიასახლისების უმრავლესობა თეთრეულის ხარისხის დასადგენად ხელით ეხება ქსოვილს. მიღებული შეგრძნების მიხედვით იღებენ გადაწყვეტილებას ხარისხიანობის შესახებ. ეს ჩვევა იმდენად გავრცელებულია, რომ ბევრი ფიქრობს – “როგორ შევიძინო თეთრეული თუ ხელით არ შევეხე”.
  • ამ სტატიაში ვნახავთ, რამდენად სწორია ზემოთ აღნიშნული მიდგომით შევამოწმოთ თეთრეულის ხარისხი. ამისათვის, პირველ რიგში გვჭირდება გავიგოთ რას ნიშნავს თეთრეულის ხარისხი და გავმიჯნოთ თეთრეულის მახასიათებლისაგან.

 

თეთრეულის ხარისხი მოიცავს შემდეგ საკითხებს:
  1. შეკერილობა: ქსოვილი რამდენად სიმეტრიულად არის დაჭრილი და შეკერილი, რა ტიპის ნაკერი აქვს გაკეთებული;
  2. ქსოვილის მდგრადობა-გამძლეობა: რამდენად მდგრადია, გაწყალდება თუ არა, შეიცვლის თუ არა ფორმას, ბუსუსდება თუ არა, რამდენ გარეცხვას უძლებს;
  3. ფერი: როგორი საღებავებით არის შეღებილი, გაუვა თუ არა ფერი, საღებავი შეიცავს თუ არა კიბოს ან სხვა დაავადების გამომწვევ ნივთიერებებს;
  4. დამუხტულობა: რამდენად იმუხტება ნაჭერი.

 

თეთრეულის მახასიათებელი გულისხმობს:
  1. ჰაერის გამტარიანობა: რამდენად ატარებს ჰაერს? მაგალითად რანფორსის თეთრეული არის შედარებით თხელი და ჰაერს უფრო კარგად ატარებს ვიდრე სატინის თეთრეული;
  2. სირბილე: თეთრეულის ქსოვილი შეიძლება იყოს რბილი, ან შედარებით უხეში.
  3. სისქე: თეთრეული ქსოვილი შეიძლება იყოს თხელი, სტანდარტული სისქის ან სქელი.
  4. ქსოვილის სახეობა: ქსოვილი შეიძლება იყოს სრიალა. შეიძლება ერთი მხარე ქონდეს სრიალა, მეორე ჩვეულებრივი ან დათბუნული. ქსოვილის სახეობებს განვიხილავთ შემდეგ სტატიაში.
  5. დაუთოვება: ზოგი თეთრეული საჭიროებს დაუთოვებას, ზოგი კი არა.
  6. შემადგენლობა: ქსოვილი შეიძლება იყოს ბამბა, ხელოვნური, ბარხატი, ჟატი, ნარევი შემადგენლობებით და ა.შ.

 

შეჯამებ
  • ხელის შეხებით შეგვიძლია გავიგოთ თეთრეულის მახასიათებლების შესახებ გარკვეული ინფორმაცია, მაგრამ ვერცერთ შემთხვევაში ვერ გავიგებთ ხარისხს.
  • თუ გავშლით თეთრეულს ვიზუალურად შეგვიძლია დავინახოთ თეთრეულის შეკერილობა, ჰაერის გამტარიანობის შესაძლებლობა და ქსოვილის სახეობა. თუ კარგად ვერკვევით ქსოვილებში, მარტივად შევძლებთ განვსაზღვროთ ქსოვილის შემადგენლობაც.
  • თეთრეულის ხარისხის შესახებ ძირითადი ინფორმაცის მიღება შესაძლებელია კონკრეტული ბრენდის ოფიციალურ გვერდებზე.
  • ნებისმიერი მახასიათებლის მქონე თეთრეული შეიძლება იყოს ხარისხიანი ან უხარისხო. მაგალითად: ხელოვნური ქსოვილის თეთრეული შეიძლება იყოს ხარისხიანი ან არა. იგივენაირად, 100%-ით ბამბის თეთრეული შეიძლება იყოს ხარისხიანი ან უხარისხო.

3 thoughts on “გავრცელებული ჩვევა – ხელის შეხებით ხარისხის გაგება

  1. ირმა ამბობს:

    საოჯახო თეთრეული თუ გაქვთ და რა ღირს?

  2. Admin ამბობს:

    მოგესალმებით ირმა. გვაქვს სხვადასხვა ხარისხისა და ბრენდის საოჯახო თეთრეული, ფასი იწყება 56 ლარიდან და ადის 227 ლარამდე.
    ლინკზე შეგიძლიათ შეარჩიოთ თქვენთვის სასურველი მოდელი https://letex.ge/product-category/tetreuli/?orderby=date&filter_tetreulis-zoma=saojaxo&filter_tetreulis-zoma=saojaxo

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *